4ved sul a Goareiz

Pedenn de zigor

Aotrou Doué en-des lakeit é peah ar bed abeh én ur rein deom ho mab karet, kresket fé ho pobl kristén eid ma kerho ged herr ha ged karanté betag gouilioù pask

 

Lennadenn getan

Lennadenn livr ketan Samuel (1S 16, 1…).

Én amzér-hont,
é laras an Aotrou Doué de Samuel :
« Keméret genoh ur horn lañet ged ivl ha kerhet !
Ho kas a hran étal Jessé é Bethléem
rag gwélet em-es é-mesk é vibion me roué. »

En un arriù, é wélas Samuel, Eliab.
Ean d’en em lared :
« Surwalh, ean é ar Mesi , an hani a reseùo sakradur an Aotrou Doué »
Mes an Aotrou Doué a laras de Samuel :
« Ne sellet ket doh é seblant na doh é vent,
Rag n’é ket hannan em-es choéjet.
An Aotrou Doué ne sell ket él ma sell an dud ;
ne sell ket revé ar seblant ,
an dud a sell revé ar seblant,
mes an Aotrou Doué a sell é sol ar galon »
Unan àrlerh an arall, é ziskoas Jessé é hwezh mab de Samuel,
Ha Samuel a laras :
« N’en-des ket an Aotrou Doué choéjet hanni é-mesk ar ré-sé »
Nezé é laras Samuel de Jessé :
« Ha n’ho-pes ket mibion arall ?»
Ha Jessé a laras :
« Chomel a hra hoah an hani yaouankan.
Ema é hoarn ar chetal ».
Nezé é laras Samuel de Jessé :
« Kas unan d’er hlask,
N’en em lakeem get doh taol
tré ma ne vo ket genom »
Jessé er galuas ;
Blèu ru a oé ar paotr, daoulagad kaer dehon ; ur braù a zén a oé.
An Aotrou a laras nezé :
« Ar ho saù breman, reit dehon ar sakradur : ean é ! »

Samuel a geméras ar horn lañet get ivl
hag a ras dehon é-mesk é vredér ar sakradur.
Spered an Aotrou Doué a oé ged David diàr an dé-sé

 

 

Salm

Salm 22

Mem bugul é an Aotrou Doué :
N’em-es ket diovér a nitra.

 

Mem bugul é an Aotrou Doué :
N’em-es ket diovér a nitra.
Àr yeot fresk ar pradoù,
en um laka de ziskuizh.
 
Kaset on geton dirag an deurioù sioul
Ha lakeit on de viùein éndro ;
Dré an hent just éh on ambrouget
Én inour d’é hanù.
 
Ma treuzan touloù ar marù
Ne zoujan ket droug ebet
Hwi a zo men gouarnour
Hag a ra dein konfortans.
 
Aozet ho-pes an daol aveidonn
Dirag m’enéberion ;
Hwi a daol ur frond hwék àr me fenn
Ha lanet é me halis.
 
Grès ha eurusted a zo genein
Bamdé épad men buhé ;
Me chomo é ti an Aotrou Doué
Hed mem buhé

 

Eilved lennadenn

Lennadenn lihér sant Paol d’an Efésiéned (Ep 5, 8-14)

Bredér,
Gwéharall, éh oeh én tioélded,
breman éh oh é splanndér Jézus-Krist

Biùet enta èl tud a zo ér sklerdér ;
fréh ar sklerdér a zo peb sort madelezh, justis ha gwirioné.

Hag anzaùet
ar peh a hra plijadur d’an Aotrou Doué.
Ne keméret ket perh d’an obéroù a dioélded ;
ne gasant geté nitra a vad ;

Lakeit ind de wéled kentoh.
Ag ar péh a hra ar ré-sé é kuzh,
meh en-des an dud de gomz anehé .
Mes ar péh a zo bet divaskl
A vé gwélet splann ged ar sklerdér
Hag ar peh a za de voud splann a zo sklerdér.

Chetu perag é vé laret :
Dihunet-hwi, hwi a gousk
Saùet-hwi a vesk ar ré varù
hag é véet sklérijennet ged ar Hrist.

Youhadenn

Me zo sklerdér ar bed, emé an Aotrou Doué ;
an hani me héli en-devo sklerdér ar vuhé

 

Aviél

Lennadenn verr

Aviél hor Salvér Jézus-Krist revé Sant Iehann (Jean 9, 1-…)

En amzér-hont,
El ma té ér méz ag an tampl
é wélas Jézus àr é hent
un dén hag a oé gañet dall.
Skopein a hra àr an douar,
a hra fang get é skopitel
a léd ar fang-sé àr zaoulagad an dall hag a lar dehon :

« Kerh d’en em hoalhein de fetan Siloé (an dra-sé  zo de laret Davéet). »
An dall a ia, a hoalh é zaoulagad hag a za éndro get ar gwélet

Chetu perag é amizion hag ar ré en-doé ean bet gwélet éraog é houlenn an alézon
a laré :

« Ha n’é ket hanneh a vezé chouket hag a houlenné an alézon ? »
« Géo, a laré mar a unan, hanneh é »
« Nepas, emé ar ré-rall, mes hanval é dohton »
Ha ean a laré :
« Géo, mé mem é »

Kas a hrant an hani a oé bet dall de gavouid ar fariziéned.
D’ar sadorn a oé en-doé bet Jézus groeit fang ha digoret é zaoulagad dehon.
Hag ar fariziéned, d’o zro, a houlenné geton penaos en-doé kaved ar gwéled.
Ean a lar dehé :
« Lakeit en-des fang àr men daoulagad ha m’em es em hoalet
ha me wél »


Nezé, mar a unan ag ar fariziéned a laré :
« N’é ket aberh Doué é ta an dén-sé, pen dé gwir ne vir ket ar sadorn »
Mes ré-rall  a laré :
« Penaos é hell un dén fall
gobér burhudoù èlsé ? »
Ha n’en em gleuent ket étrezé.
Ragsé, é larant hoah ur wezh d’an hani dall :
« Ha té, petra lares té ag an hani en-des digoret ah zaoulagad ? »
Ha ean de reskond :
« Ur profet é »

Ind a reskond hag a lar dehon : « Gañet ous penn der benn ér péhed
ha te za d’en em ziskein ni ! »
Hag ind d’er boutein ér méz.

Jézus en-doé kleùet é oé bet boutet dehé ér méz ;
Ha kenteh m’en-doé ean kavet, é laras dehon :
« Ha te gred é Mab Doué ? »
Ha a reskond hag a lar :
« Più é ean, Aotrou, ma kredein énnon ? »
Ha Jézus  a lar dehon :
« É tes ag er gwéled ;
an hani a gomz dohti, hanneh mem é. »
Ean a laras :
« Me gred, Aotrou »
Ha ean oeit ha stouiet diragzon.

 

Pedenn àr ar provoù

Aotrou Doué, ér joé é tiskoam deoh ar sakrifis a salv or buhé. Ha ged ur galon izél, ni ho ped : dakoret deom d’er lidein ged respet ha d’er hinnigein eid salvér ar bed

 

Pedenn goudé ar Gomunion

Aotrou Doué a ra sklerdér de beb unan a za ér bed, splannet or halonoù ged sklerdér ho krès ; èlsé oll or sonjoù a vo dign ahanoh hag or haranté gwiroh-gwir