1-Ordinal an overenn

1-Ordinaire de la messe


 

 

 

 

Ci-après,

il est possible de trouver le déroulement complet de l'ordinaire de la messe

 

 

ou d'avoir les versions imprimables dans l'un ou l'autre des formats : .pdf ou.doc

 

   

Format .pdf     

 Rituel de la messe

    édition 2020

 

Format .doc    

Rituel de la messe

édition 2020

 

 

Edition antérieure

Format .pdf

Format.doc

 

 

Salud d'ar bobl.

 

Béleg :

 É hanù an Tad hag ar Mab hag ar Spered Santél.       R/ Amen.

  

 

Bélég

Grès hor Salvér Jézus-Krist, karanté Doué an Tad hag unaniezh ar Spered Santél, reveint genoh-holl

Pobl

 

Ha get ho spered

 

Béleg 

An Aotrou Doué genoh 

Pobl : 

 

Ha get ho spered

 

Béleg

Grès ha peah deoh-hwi, mem bredér, a-berh Doué hon Tad hag hor Salvér Jézus-Krist

Pobl :  

 

Bennozh de Zoué ha mélasion, a holl viskoazh de viruikén.

 

 

 

Dégemer ged ar béleg

 

Lid ar benijenn.

 Béleg : 

Mem breder, anzaùam hor péhédoù eit bout é stad de lidein an overenn santél. 

 

Me anzaù dirag Doué holl-gelloudek ha diragzoh, mem breder, em-es péhet braz dré sonj, dré gomz, dré ober ha dré chom hep ober. 

Dré men goall, dré men goall, dré mem brasan goall

Rag-sé, é houlennan get an Intron Vari berped Gwerhiéz, get an Eled hag an holl Sent, ha genoh, mem breder, pedein an Aotrou Doué aveidon. 

 

Béleg : 

Plijet get Doué holl-gelloudek kemér truhé dohom, pardonein deom hor péhedoù, hag hor has d'ar vuhé peurbadus. 

Pobl : 

Amen

 

Kyrie - Kanennoù  Lid ar benijenn 

 

 

Gloér de Zoué (Kanennoù : Gloér de Zoué)

Béleg :

Ha breman, kanam gloér de Zoué.

 

 

Gloér de Zoué é lein an Néañv

ha peah àr an douar, d’an dud karet geton ; 

ho melein a hram hag ho trugérékat, 

ho adorein a hram hag ho inourein.

Trugéré a ganam deoh aveit ho kloér dispar.

Aotrou Doué, Roué an néañv, Doué an Tad holl-gelloudek 

 

Aotrou Krist Mab unganet Salvér Jézuz, Aotrou Doué, oén Doué, Mab an Tad, 

hwi hag a lam péhed ar bed, ho pet truhé dohom, 

hwi hag a lam péhed ar bed, dégeméret galù hor pédenn, 

hwi hag a zo azéet én tu déheu d’an Tad, ho pet truhé dohom. 

 

Rag hwi hebkén a zo santél, 

hwi hebkén a zo Aotrou, 

hwi hebkén a zo ihuél meurbed, Salvér Jézus, get ar Spered Santél, 

 

é gloér Doué an Tad. Amen 

 

 Pédenn-digor :

  Pédam an Aotrou Doué, 

   […]

Dré hor Salvér Jézus-Krist, ho Mab hag hon Aotrou, a viù hag a rén, Doué genoh ha get ar Spered Santél, a holl-viskoazh de virùikén

 

 

Lénnadenn getan :

    […]

Lennour

Chetu Komz an Aotrou 

Pobl

Bennozh de Zoué

 

Psalm

 

 

Eilved lénnadenn

    […]

Lennour

Chetu Komz an Aotrou 

Pobl

Bennozh de Zoué

 

Alleluia

 

 

Aviél

 

 

Béleg : 

An Aotrou Doué genoh 

Pobl : 

Ha get ho spered

Béleg : 

Lennadenn ag an Aviél santél revé […]

(Sant Maheu, Sant Mark, Sant Lukas, sant Yehann) 

Pobl : 

Gloér deoh-hwi, o Aotrou Krist

 

 

 

 

   […]

 

Béleg : 

Chetu komz an Aotrou

Pobl :

 

Méleudi deoh, o Aotrou Krist

 

Predeg 

 

Kredo

Béleg :

 

Komfortet dré gomz an Aotrou Doué é tam a gleùet, laram holl àr un dro hor fé é Doué hag én é iliz 

 

 

Me gred é Doué, an Tad holl-gelloudek, 

Krouéour an néañv hag an douar

hag é Jézus-Krist, é Vab unganet, hon Aotrou, 

a zo bet konseùet dré nerzh ar Spered Santél, 

ganet ag ar Werhiéz Vari, 

en-des gouzanùet édan Pons-Pilat, 

a zo bet staget doh ar groéz, 

marùet ha lakeit ér bé, 

dichennet d’an ihuernioù

deit a varù de viù an drived dé, 

pignet d’an néañv, 

hag azéet én tu déheù de Zoué an Tad,

a éno é tei de varnein ar ré viù hag ar ré varù. 

Me gred ér Spered Santél 

én Iliz santél katolik, 

é komunded ar Sent, 

é pardon ar péhédoù, 

é adsaù ar ré varù, 

 

ér vuhé peurbadus. Amen

 

 

Pédenn hollvedel

 Bugalé karet get an Aotrou Doué, kredein a hram goulenn é garanté. A greiz kalon, kennigam dehon holl ar ré unanet genom dré ar bedenn

 

 Goulennoù

1-

2-

3-

4-

1-

2-

3-

4-

 

Diskoeit hoah deom, Doué an Tad, ar garanté a-hues én hor hevér. 

Ha deit de sekour holl ho pugalé ér poénioù ar vuhé. Ni er goulenn genoh dré Jézus-Krist, hor Salvér. 

Amen

 

 

 

Lid ar provoù.

 

 

Kinnig ar bara. 

Revéet benniget, Aotrou Doué, krouéour ar bed abézh, 

rag én ho larganté é ret deom ar bara-man a gennigam deoh, 

frézh an douar ha frézh labour mab-dén ;

donet a rei de vout aveidom bara ar vuhé. 

Pobl : 

 Bennozh de Zoué ha mélasion a holl viskoazh de viruikén. 

  

(A vouéh izél) 

Dré vistér an deur-man lakeit ér gwin, revéem lodek é natur douéel 

an Hani en-des prézet kemér hon natur dénel. 

 

Kinnig ar gwin. 

Revéet benniget, Aotrou Doué, krouéour ar bed abézh, 

rag en ho larganté é ret deom ar gwin-man a gennigam deoh, 

frézh ar winienn ha frézh labour mab-dén ; 

donet a hrei de vout aveidom ur vammenn a vuhé. 

Pobl :  

Bennozh de Zoué ha mélasion, a holl viskoazh de viruikén. 

 

(A vouéh izél )

Get ur galon izél ha glaharet, 

é houlennam genoh, Aotrou Doué, hon dégemér. 

Lakeit hor sakrifis de seùel betagzoh hiziù 

ha groeit ma plijo deoh. 

  

Golhet-mé, o men Doué, a beb kousiadur 

ha glañeeit-mé a me féhedoù. 

 

Beleg : 

Pedet mem breder, ma plijo get Doué an Tad holl-gelloudek dégemér me sakrifis a zo eùé ho hani-hwi

Pobl

Plijet get Doué en dégemér ag ho taouorn, aveit é hloér hag é veuleudi, aveit hor mad-ni hag hani an Iliz Santél. Louange 

 

 

 

Pedenn àr ar provoù.

Béleg

 […]…dré Jézus Krist hor Salvér. 

Pobl

 

Amen

 

 

Préfas

 

 

Béleg 

An Aotrou Doué genoh 

Pobl : 

Ha get ho spered 

Béleg : 

Hor halon d’an ihuél

Pobl : 

Ema troeit tréma Doué 

Béleg : 

Trugérékam hon Aotrou Doué

Pobl : 

Just ha santél é.

 

Préfas

 

Santél

 

Santél, Santél, Santél, an Aotrou Doué Mestr ar bed ! 

Lan é get ho kloér an néañv hag an douar ! 

Hozanna é lein an né ! 

(Revo) benniget an hani a za é hanù an Aotrou Doué ! 

 

Hozanna é lein an né !

 

Pedenn-Veur

Lid Saù Korv Doué

 

Goudé saù korv Doué

 Béleg : 

Bras é mistér ar fé 

Pobl : 

Embann a hram ho marù santél, Aotrou Krist. 

Lidein a hram ho adsaù de viù

én ur hortoz ma téet éndro.

 

 

[…]

Drézon, geton hag énnon

Amen 

Deoh hwi, Doué an Tad holl-gelloudek, a-unan get ar Spered Santél

Amen 

Pep inour ha pep gloér a holl viskoazh de viruikén 

Amen   

 

 

On tad

Béleg

 

Kentéliet get gourhemenn hor Salver, 

ha disket geton, é kredam laret : 

 

get ar bobl

Hon Tad a zo én néañv, ho hanù revo santéleit, 

ho rouantelezh digaset deom, 

ho vennanté revo groeit àr an douar èl én néan. 

Reit deom hiziù hor bara pamdéek, 

pardonet deom hor péhedoù, él ma pardonam d’ar ré en-des péhet dohem, 

ha n’hol laosket ket de gouéh én tantasion

 

met hon diwallet doh an droug

 

 

 Béleg

Plijet genoh, Aotrou Doué, 

pellaat an droug azohom 

ha rein deom ar peah ér bed-man,

eit ma veem, dré sekour ho madelezh, distag berped doh ar péhed 

ha goarantet doh peb trebill, 

ni hag a horto eurusted ar baradouiz 

ha distro hor Salvér Jézus-Krist

Pobl

Rak deoh-hwi, Aotrou Doué, éma ar rouantelezh, ar gelloud hag ar hloér a holl viskoazh de virùikén. Amen

 

 

 

Ar peah

 

Salvér Jézus-Krist, hwi ho-pes laret d’ho Apostoled « Ar peah a leskan genoh, me feah a ran deoh », ne sellet ket doh hor péhedoù, met doh fé ho iliz ; plijet genoh, revé ho volanté, rein dehi ar peah hag hé unanein, Hwi hag a viù hag a rén a holl viskoazh de viruikén.                 

 

Béleg

Salvér Jézus-Krist, Hwi a-hues laret d’ho Apostoled

« Ar peah a leskan genoh, me feah a ran deoh »,

ne sellet ket doh or péhedoù, med doh fé ho iliz ;

plijet genoh, revé ho volanté, rein dehi ar peah hag é unanein,

Hwi hag a viù hag a rén a oll viskoah de viruikén.                         

Pobl

Amen

 

Béleg

Peah ar Salvér revo berped genoh

Pobl :

 

Ha get ho spered

 

 

Peah ar Salvér

E karanté Doué, kinniget ar peah an eil d’égilé. 

 

Peah ar Salvér

 

 

 

Oén Doué

 Oén Doué a lam péhedoù ar bed, ho-pet truhé dohom

Oén Doué a lam péhedoù ar bed, ho-pet truhé dohom

Oén Doué a lam péhedoù ar bed, reit deom ar peah

 

Pedenn ér-raog ar Gomunion

 Korv ha goèd hor Salvér Jézus-Krist, keijet aman, de rein deom, dré ar Gomunion, ar vuhé peurbadus. 

 

Salvér Jézus-Krist, Mab an Doué biù, Hwi zo deit revé volanté ho Tad ha get nerh ar Spered Santél, de rein dré ho marù ar vuhé d’ar bed ; plijet genoh, dré ho Korv hag ho Koèd sakret, me glañnaat a me holl fallanté ha me houarn doh an droug. 

Groeit ma talhein a greiz me halon d’ho kourhemennoù ha n’em laosket biruikén d’en em zisparti azohoh. 

 

(pé 

Salvér Jézus-Krist, pe ian de reseù ho korv hag ho koèd santél, ne sellet ket doh me féhedoù med kentoh, dré ho madelezh, groeit ma talvo ar gomunion-man d’em diùenn korv hag iné, ha de rein dein salvedigezh )

 

Béleg

Eurus ar ré a zo galùet de bred santél an Oén. 

Chetu Oén Doué, an hani a lam péhed ar bed 

Pobl : 

Men Doué, nen don ket dign ma teet devadon, 

 

Met laret ur gér hebkén hag é vo éseit dein. 

 

 

  

Ar gomunion

 

En ur rein an osti :

Korv hor Salvér             R/Amen

 

  

Pédenn goudé ar gomunion :

Béleg

[…]…dré Jézus Krist hor Salvér. 

Pobl

 

Amen

 

 

Kemennoù. (Annonces)

 

  

Bennoh de Zoué

 

 

 Béleg 

An Aotrou Doué genoh 

Pobl : 

Ha get ho spered

Béleg 

Doué holl-gelloudek d’ho pennigein, 

an Tad, ar Mab hag ar Spered Santél 

Pobl : 

Amen 

Béleg : 

Kerhet é peah hor Salvér 

Pobl : 

Bennozh de Zoué