3ved Sul Fask

Pedenn de zigor

Gouarnet d’ho pobl hé leùiné, Aotrou Salvér, hwi hag en-des reneùéet hé nerh hag hé youankiz ; reit e-hues deom méritein boud mabed an Aotrou Doué, kresket énnom an espérans de vout saùet a varù de viù.
Dré Jézus-Krist ho Mab, hor Salvér hag hon Doué, a viù genoh ha get ar Spered santél, a holl viskoazh de viruikén.
 

 

Lennadenn getan

An dén-sé, deit ér bed revé volanté Doué,
ho-pes ean lahet,
ho-pes ean staget doh ar groéz dré zaouorn tud difé.

Mes, an Aotrou Doué en-des ean saùet a varù de viù én un dennein a dourmantoù ar marù
rag ne oé ket posibl é chomo édan bili ar marù.
Aveid gwir, éma azohton a gomz David én é bsalm :
-« Gwélet a hrent an Aotrou Doué diragzon heb diskuizh
D’an tu déheù dein éma, chomel a hran sonn.
Chetu perag me halon a verù
Ha tridal a hra me zead ;
Me horv a ziskuizho é peah :
Ne hellet ket me zilezel é demeurans ar ré varù,
na lezel ho mignon de wélet ar breinadur.
Disket ho-pes dein hentoù ar vuhé,
Ha me lanein a hreet a leùiné én ur viùein étaldoh.

 

Bredér,
Me hell laret doh gwir ha splann,
a-zivoud David, hon tad kozh,
a zo bet marù, ha lakeit ér bé
hag é vé a zo hoah genom, hiziù an dé.
El ma oé profet, é ouié an Aotrou Doué en-doé touiet dehon
lakat àr é dron un dén deit ag é ligné.
Gwélet en-des éraog an dud rezureksion ar Hrist é komzé elsé anehon :
N’en-des bet dilézet d’ar marù
Hag é gorv n’en-des ket gwélet ar breinadur.
Ar Jézus-sé, an Aotrou Doué en-des ean saùet a varù de viù,
Ha ni-holl éh om testoù.
Saùet d’an tu deheù de Zoué,
Reseùet en-des get an Tad ar Spered santél grateit dehon
ha streùet éma bet àrnom
él ma hellet er gwélet hag er hleùet

 

Salm

 

Diskein a hret dein, Aotrou Doué, hent ar vuhé

 

Goarnet mé o men Doué : hwi a zo men demeurans
Laret em-es d’an Aotrou Doué : « hwi a zo men Doué,
Aotrou, hwi a zo me lod ha me halis :
Ema men buhé é dalh genoh »

 

Bennigein a hran an Aotrou Doué, me alier :
Betag an noz, é kas doéré de me halon
 Gouarnein a hran an Aotrou Doué diragzon heb diskuizh
A-zéheù dein éma, chomel a hran sonn.


Beruein a hra me halon, ha tridal a hra me inéañ
Ha me horv a ziskuizh é peah
Ne hellet ket me zilezel é demeurans ar ré varù
na lezel ho mignon de wélet ar breinadur.

 

Disket ho-pes dein hentoù ar vuhé,
Diragzoh, ur goalh a leùiné !
madoù a-zéheù deoh de virùikén

 

Eilved lennadenn

Lennadenn liher ketan sant Pier, apostol
(1P1, 17-21)


Breder karet,
Mar pedet èl Doué an Tad, an hani a barn get reihted peb unan revé é obéroù, biùet enta é doujans Doué tré ma oh é chom àr an douar-man él dianvézerion.

Hwi a oui erwahl,
n’é ket ged traou a hell breinein,
eur hag argant,
éh oh bet dasprenet a skanbennerezh ho tadoù,
mes dré ur goed présius,
hani un oén disi ha divlam, ar Hrist.

Eraog krouédigezh ar bed, Doué en-des ean dibabet a bell kent,
hag en-des ean diskoeit splann én amzérioù devéhan én arbenn ahanoh.

Drézon, é kredet é Doué
en-des ean saùet a vesk ar ré varù
en-des reit dehon ar gloér ;
elsé, é hellet lakad ho fé hag ho espérans é Doué .

 

 

Alleluia

Salvér Jézus, digoret deom ar Skriturioù !
Berùein a hra hor halonoù tré ma komzet deom

 

Aviél

Aviél Jézus-Krist revé Sant Lukas (Lc24, 13-55)

An dé mem ma oé saùet Jézus a varù de viù, éh oé daou ag é zisipled é vonet d’ur vorh hanùet Emmaüs hag a oé un diù leù bennag doh Jéruzalem ; hag ind a gomzé étrezé a holl ar péh a oé dégouézhet.
Epad ma oent é tiviz elsé hag é houlenn unan get an all pé chonj en-doé diàr gement-sé, deit Jézus ha tosteit hag en em lakeit d’obér hent geté ;
Mes, bout a oé èl ur rouédenn àr o daoulagad : n’o-doé ket ean anaùet.
-« A betra é komzet elsé étrézoh én ur vonet get ho hent, emé ean dehé, ha perag éh oh hwi ken trist-sé ? »
Unan anehé , hanùet Kléofas, a reskond dehon :
-« ha n’en-des  meit oh-hwi, dianvézour a Jéruzalem, eit ne ouiet ketar péh a zo dégouézhet enni an déioù-man ?
-Petra, emé ean ? »
Ha ind de reskond :
-« A zivout Jézus a Nazareth
hag a oé ur profet braz,
brudet eit é obéroù hag é gomzoù,
dirag Doué ha dirag holl ar bobl ;
penaos en-des an arh-véléan hag hor mistr er hondañnet d’ar marù,
hag er staget doh ar groéz.
Ha ni, éh oem éngorto é vehé ean a vehé bet salvér Israel ;
mes chetu an drivet dé men dé dégouézhet rah an traoù-sé.


Gwir é en-des mar a unan ag ar groagé a oé genom groeit aon deom :
oeit ind bet d’ar bé kent ar splann
hag èl n’o-des ket kavet é gorv,
émant deit de laret o-des gwélet Eled hag a lar éma biù.
Ur ré bennag ahanom a zo bet oeit eùé d’ar bé, hag o-des kavet peb tra èl m’en-doé laret ar groagé,
Mes eitoñ ean n’o-des ket er havet. »

Nezé Jézus a lar dehé :
-« O tud diskient ha difonn de gredein
er péh en-des laret ar Broféted.
Ha ne oé deliet d’ar Hrist gouzanù rah an traoù-dé  ha disohein elsé én é hloér ? »

Ha ean en em laka de zisplég dehé kement tra a oé laret anehon ér Skritur santél,
a zrebi Moiz hag an holl Broféted.

Pe oent arriù  tost d’ar gér ma hent, ean a hras seblant é fallé dehon monet pelloh.
Mes ind a zalhas àrnehon én ul laret :
-« Chomet, rag devéhatad a hra, ha izéleit mad é an dé. »
Ha ean  oeit geté én ti.
Hag a pe oé geté doh taol,
 ean a gemeras bara,
er bennigas hag er ras dehé ,
goudé bout ean torret.
Nezé o daoulagad a zigor :
en anaùein a hrant ;
mes én un taol,
Jézus a ia kuit a-ziragté

Ha ind de laret an eil d’égilé :
-« Ha n’é ket gwir é verùé hor halonoù ennom,
a pe gomzé dohom àr an hent
ha ma ré deom splann de gompren ar Skritur ? »

Ha kenteh é saùant hag éh ant éndro  de Jéruzalem.
Eno, é kavant tolpet an unneg Apostol, hag an disipled arall geté.
Ar ré-man a lar vdehé :
-« Gwir erhoalh  é éma saùet ar Salvér a varù de viù
hag en em ziskopeit de Simon. »

Ind d’o zu, a ziviz ar péh a oé degouézhet geté àr an hent
ha penaos o-doé ean anaùet
a p’en-doé torret ar bara

 

 

Pedenn àr ar provoù

Dégeméret, Aotrou Doué, donézonoù ho iliz é gouél : Hwi zo mamenn an eurusted ken braz ; groeit ma kreskei én hol leùiné peurbaduz.
Dré Jézus-Krist hor Salvér 
 

 

Pedenn goudé ar Gomunion

Sellet get madelezh, Aotrou Doué, doh ho pobl e-hues reneùéet dré ho sakramantoù ; groeit ma  arriùeem de vuhé an eurusted, hwi hag en-des en em galùet d’anaùein ho kloér.
Dré Jézus-Krist hor Salvér