An overenn santél
           Eskopti Gwéned          
              

E gwirioné, Tad Santél,

Doué oll gelloudeg ha peurbaduz

un dra just ha déliet é ho trugérékad

é peb léh hag é peb amzér.

 

Hwi hag a zo meulet ged ar Sent tolpet éndro deoh,

rag éh inourein o méritoù é kouronet ho tonézonoù.

 

Hwi hag a ra deom dré o buhé ur skwir-vad de heuli,

dré o fedenn aveidom un harp hag ur sekour,

dré ar gomunion geté ur lod én o leùiné.

 

Ha ni, kalonekeit ged testoù ken nivéruz é selled dohom,

revéem nerhuz de boéniein betag ar penn,

aveid gounid èlté

ar gouronenn ne zivleùo birùikén,

dré Jézus-Krist or Salvér.

 

Drézon, Tad santél, éh oh meulet ged an Eled

inouret ged an Arhéled

adoret ged oll Speredoù gelloudeg an Néañv

a stoui diragzoh ér vrasan leùiné.

 

Geté enta, lesket-ni de seùel or boéhioù

aveid ho pennigein ha kanein d'ho kloér peb mélasion :

Santél