Préfas an Dédikas
É gwirioné, Tad santél,
un dra just ha deliet é ho trugarékad
é peb léh hag é peb amzér,
hwi on Tad peurbaduz hag oll-gelloudeg.
Én ho madelezh é kevér ho pobl,
vennein a hret chom én ti-man a bedenn,
eid ma hrei ho krès dalbéh kinniget
un Tampl ag ar spered,
lugernet ged ho santelezh.
A zé de zé, é santelleit pried ar Hrist, an Iliz,
a béhani an ilizioù àr an douar a zo ar skeudenn,
betag an dé ma arriùo é kloér an Néañv,
euruz en-devoud reit deoh kement a vabed.
Rag-sé, unañet ged an Eled hag an oll Sent,
é kañam én ul lared :
Santél…